Presidenti Nishani, gjatë vizitës në Izrael është pritur në një takim nga kryeministri Benjamin Netanyahu. Në këtë takim, Nishani mori garanci nga Izraeli se mund të jetë shumë i pranishëm me investime, jo vetëm në turizëm dhe bujqësi, por edhe në ekonomi, kulturë, e deri në fushën e sigurisë.

Bujar Nishani u shpreh se Ballkani ka hapur një kapitull të ri dhe mund të konsiderohet tashmë rajon i mundësive të mëdha dhe shtoi se shqiptarët, me tolerancën e mirëkuptimin e tyre, kanë dhënë një shembull të shkëlqyer për rajonin dhe më gjerë, si edhe kanë kontribuar në mënyrë domethënëse për paqen dhe stabilitetin në rajon.

Në ditën e dytë të vizitës, Nishani ka zhvilluar takim me z.Liberman, kryetar i Komitetit për Politikë të Jashtme dhe Siguri në Parlament.