Ambasadori i Shqipërisë në Izrael, Bardhyl Canaj, mori pjesë në disa aktivitete me rastin e Ditës së Flamurit dhe të Çlirimit bashkërisht me komunitetin shqiptaro– hebre në Izrael.

“Sot, në datën 25 nëntor 2017, organizuam disa aktivitete me rastin e Ditës së Flamurit dhe të Çlirimit bashkërisht me komunitetin shqiptaro – hebre. Aktivitetet nisën me pritjen zyrtare, çeljen e ekspozitës “Hebrenjtë dhe Shqipëria në vite”, si dhe Ditën e Kulinarisë Shqiptare.”, shkruhet në adresën zyrtare të Ambasadës së Shqipërisë në Izrael në rrjetin social Twitter.