Presidenti i Bankës Qendrore të Brazilit, Ilan Goldfajn, u shpall nga revista prestigjioze britanike “The Banker”, si “bankieri i vitit 2017”.

Ilan Goldfajn, i cili është lindur në Haifa të Izraelit, por i rritur në Rio de Zhaneior, u përzgjodh nga “The Banker2, për shkak të performancës së tij të suksesshme në uljen e inflacionit vjetor të ekonomisë më të madhe të Amerikës Latine.

Ndiq "Izraeli Sot" në Facebook dhe Twitter dhe Instagram dhe behu anetar i Grupit Izraeli dhe Shqiptaret

Qysh kur Goldfajn u emërua guvernator i Bankës Qendrore të Brazilit majin e vitit të kaluar, inflacioni ra në 2.95 për qind në vitin 2017, më i ulëti në 20 vitet e fundit, raporton gazeta braziliane “O Globo”.

Goldfajn, 51 vjeç, është shumë aktiv në gjirin e komunitetit hebraik brazilian. Gjatë një takimi të organizuar nga Dhoma e Tregtisë Brazil-Izrael një muaj përpara se të emërohej në krye të Bankës Qendrore, Goldfajna tha se, “Brazili ka shumë për të mësuar nga Izraeli”, citon gazeta “Times of Israel”.