Në Lojërat Olimpike Dimërore “PyeongChang 2018”, të cilat do të zhvillohen në Korenë e Jugut, nga 9 deri më 25 shkurt 2018, marrin pjesë edhe sportistë nga Shqipëria, Kosova dhe Izraeli midis 95 ekipeve nga e gjithë bota.

Izraeli merr pjesë për herë të shtatë në Lojërat Olimpike Dimërore, Shqipëria për herë të katërt dhe Kosova, për herë të parë, pra është debutim historik

Shqipëria përfaqësohet me dy skiatorë: skiatorin e njohur Erjon Tola – hera e tij e katërt në Lojërat Olimpike  – dhe Suela Mëhillin. 31-vjeçari Tola, i cili jeton në Itali(Cervinia), do të marrë pjesë në dy gara: sllallomi gjigant dhe sllallomi, dhe po në këto gara për femra do të marrë pjesë 24-vjeçarja Mëhilli (hera e dytë vlonjaten në Lojërat Olimpike).

Albin TahiriKosova merr pjesë për herë të parë në Lojërat Olimpike Dimërore dhe përfaqësohet me 28-vjeçarin Albin Tahiri, në garën e skiimit alpin.

Izraeli përfaqësohet me një ekip prej 10 sportistësh, 7 meshkuj dhe 3 femra, që do të marrën pjesë në 4 gara të ndryshme: skiim alpin, figure skating, skeleton dhe short track.

Oleksii Bychenko (ylli i ekipit),Itamar Biran, Daniel Samohin, Paige Conners / Evgeni Krasnopolsk, Adel Tankova /Ronald Zilberberg, Vladislav Bykanov, Adam Edelman dhe Aimee Buchanan janë sportitët izraelitë, një pjesë e të cilëve jeton jashtë Izraelit.