HP Indigo, divizioni izraelit i gjigantit HP, është modeli perfekt i asaj se çfarë mund të bëjnë izraelitët me një startup.

Dikur një startup e quajtur Indigo, firma e themeluar në vitin 1977, ishte një pioniere në printimin dixhital, sot vlen miliarda.

Kompania u ble në vitin 2001 nga HP, atëherë Hewlett Packard, u ble për 629 milionë dollarë në aksione, dhe u bë pjeë integrale e gjigantit amerikan të printimit.

Por, në vend të ishte vetëm një qendër “R&D” (Kërkim&Zhvillim) e HP në Izrael, kompania u zhvillua duke prodhuar printera në Kiryat Gat dhe Ness Ziona, duke punësuar 3000 punonjës dhe duke realizuar 1 miliard dollarë nga Izraeli në vitin 2017.

Kompania ka zbuluar shtypshkronjat më të avancuara të etiketave, shtypi digjital HP Indigo 6900, i cili mundëson prodhimin e etiketave me rezistencë të lartë për ushqime, produktet të kujdesit të shtëpisë,   kimikateve dhe farmacautike. Llaku i veçantë i etiketës i zhvilluar nga firma e bën etiketën të qëndrueshme ndaj ujit, avullit dhe vajrave, tha kompania.

Teknologjia dixhitale që është pionerizuar nga Indigo – e cila kontrollon 70 për qind të tregut, vlerësohet në 22.18 miliardë dollarë në 2017 dhe vlerësohet të jetë me vlerë 28.85 miliardë dollarë më 2023 – ka shkaktuar një revolucion në industrinë e shtypjes.

Sidoqoftë, industria e shtypit digjital mbulon vetëm rreth 15 për qind të industrisë globale të printimit prej 800 miliardë dollarësh, tha Bar-Shany i Indigo, kështu që ka “potencial të madh rritjeje”.