Izraeli aprovon 264 mln dollarë për programin kombëtar dixhital të shëndetit
Sipas Kryeministri Netanyahu, 177 milionë USD do të investohen në krijimin e infrastrukturës dixhitale për kërkime mjekësore
Qeveria izraelite të dielën miratoi një plan për të ndërtuar një sistem kombëtar dixhital të personalizuar shëndetësor në vend. Programi pesëvjeçar do të ketë një buxhet prej 264 milionë dollarë (NIS 922 milion).
Në janar, kryeministri izraelit Benjamin Netanjahu e diskutoi për planin në Davos, Zvicër, gjatë takimit vjetor të Forumit Ekonomik Botëror atje. Netanjahu u takua me Bill McDermott, drejtor ekzekutiv i kompanisë softuerike shumëkombëshe të ndërmarrjeve SAP SE dhe i kishte ofruar atij të bashkëpunonte në projekt.
Në një postim në faqen e tij zyrtare të Facebook në janar, zoti Netanjahu diskutoi planin duke thënë, “kjo është një iniciativë që po promovoj me qëllim të krijimit të një motori tjetër të rritjes për Izraelin. Izraeli është pionier botëror në këtë fushë. Jam i lumtur t’ju informoj se revolucioni është në rrugën e tij”.
Si pjesë e planit, qeveria izraelite do të veprojë për të çuar përpara kërkimet mjekësore duke rregulluar digjitalizimin dhe shkëmbimin e të dhënave të pacientëve, dhe duke promovuar dhe financuar bashkëpunimin me startupet lokale të fokusuara në shëndetin dixhital.
Nga buxheti prej 264 milionë dollarë, 177 milionë dollarë do të investoheshin në krijimin e infrastrukturës dixhitale për kërkime mjekësore dhe 64 milionë dollarë do të shkonin për të mbështetur kërkimet dhe zhvillimin në akademitë izraelite dhe në sektorin lokal të teknologjisë. Fondet e mbetura do të investohen në rregulloret dixhitale të shëndetit dhe grantet dhe bursat akademike.
Lajme të ngjashme
Më shumë lajme
