“Interstitium”, mjekët izraelitë zbulojnë një organ të ri në trupin e njeriut
Mjekët e Mount Sinai Beth Israel zbuluan “interstitiumin”. Mund t’i ndihmojë ata që të kuptojnë përhapjen e kancerit në trup
Shkencëtarët izraelitë kanë identifikuar një organ të ri në trupin e njeriut, një zbulim që me shpresë mund t’i ndihmojë ata që të kuptojnë përhapjen e kancerit në trup.
Shtresat e trupit, të cilat më parë besohej se ishin inde të dendura lidhëse, në fakt janë rezerva të ndërlidhura të mbushura me lëngje, të cilat shkencëtarët i kanë quajtur “interstitium”.
I mbështetur nga një masë e fortë dhe fleksibël proteinash të indeve lidhëse, interstitium mbron organet, muskujt dhe enët e gjakut, që e mbajnë trupin tonë gjallë, duke absorbuar goditjet dhe shokun.
Mjekët e Qendrës Mjekësore të Mount Sinai Beth Israel në Izrael, Dr. David Carr-Locke dhe Dr Petros Benias zbuluan “interstitiumin” ndërsa hetonin kanalin e pacientit në kërkim të shenjave të kancerit.
Lexo edhe këto
Ata vunë re dëmtimet që nuk përputheshin me asnjë anatominë njerëzore të njohur më parë dhe iu drejtua Patologut të Universitetit të Nju Jorkut Dr Neil Theise për të kërkuar ekspertizën e tij.
Grupi i punës i drejtuar nga Shkolla e Mjekësisë në Universitetin e New York-ut, shpreson që ky zbulim do të ndihmojë për të kuptuar se përse kanceri që prek këtë zonë të trupit bëhet me e prirur ndaj metastazave.
Puna kërkimore jep gjithashtu një këndvështrim të ri për mënyrën sesi plaket trupi jonë, përfshirë lëkura, ngurtësimi i gjymtyrëve dhe progresioni i sëmundjeve fibroze, sklerotike dhe inflamatore.
Analiza e re e publikuar në revistën shkencore Scientific Reports është e para që i identifikon këto hapësira kolektive si një organ dhe përpiqet që të kuptojë funksionin e tyre.
Pavarësisht se është një prej organeve më të mëdha në trupin e njeriut, interstitium nuk ishte dalluar më parë nga ekspertët. Nëse kjo punë kërkimore pranohet gjerësisht, interstitium do të ishte organi i 80-të i trupit të njeriut
Më shumë lajme
