Ambasadori i Shqipërisë në Izrael, Dr. Bardhyl Canaj, zhvilloi një takim sot me Drejtorin e MITVIM (Israeli Institute for Regional Foreign Policy), Dr. Nimrod Goren.

Takimi u fokusua në situatën e brendshme në Izrael, pas zgjedhjeve të 9 Prillit, pritshmëritë për përbërjen e Qeverisë së re, raportet ndërmjet Shqipëri-Izrael, si dhe u shkëmbyen mendime rreth politikës së jashtme të Izraelit, me theks të veçantë përsa i takon pritshmerive mbi Planin e Paqes.

“Duke patur parasysh rëndësinë e Institutit në fjalë, fokusi ynë është vendosja e bashkëpunimit ndërmjet Akademisë Diplomatike dhe Universitete shqiptare te fokusuara në marrëdhëniet ndërkombëtare si dhe ne organizata apo institute qe kryejnë sondazhe dhe analiza elektorale apo kane interes ne Politiken e Lindjes se Mesme”, thuhet në njoftimin e ambasadës shqiptare.

Reputacioni i Institutit MITVIM është i padiskutueshëm në qarqet akademike dhe shërben si referencë për shumë Think Tanks, Institucione dhe përfaqësi evropiane në Izrael.

Në klasifikimin për vitin 2018 të Think Tanks, të publikuar nga Universiteti i Pennsylvania-s, Mitvim u vlerësua ndërmjet vendeve të para si institucion “top” në Lindjen e Mesme dhe Afrikën e Veriut për studimet rajonale bazuar për përdorim të politikat inovative në studimet e tij.

Happy to meet with Dr. Nimrod Goren, Head of @Mitvim Institute for Regional Foreign Policies, sharing his insight on many regional issues and prospects of ?? domestic politics. ?A great opportunity to establish ties with Academic Institutions in ?? aiming International Relations pic.twitter.com/PyIv5SILPG

— Albania in Israel (@AlEmbassyIsrael) April 16, 2019