Izraeli nënshkroi një marrëveshje me Bankën Botërore që synon të mbështesë vendet në zhvillim me sigurinë kibernetike.

Duke u bashkuar me Partneritetin për Zhvillimin Digital (Digital Development Partnership), Izraeli, së bashku me donatorë të tjerë, do të promovojë përmes këtij Fondi të Mirëbesimit Multi-Donator (Multi-Donor Trust Fund) digjitalizimin dhe sigurinë kibernetike në botën në zhvillim.

Për herë të parë, shteti hebre do të bashkohet me komunitetin e zhvillimit në promovimin e një sektori strategjik dhe do të ulet rreth tryezës me lojtarët kryesorë në arenën, si Japonia, Mbretëria e Bashkuar, Finlanda, Danimarka dhe Norvegjia, si dhe me njësi të mëdha si GSMA.

Banka Botërore do të sigurojë, nëpërmjet kontributit të Izraelit, asistencë teknike për vendet në Afrikë, Amerikë Latine, Evropën Lindore dhe Azi dhe do të krijojë themelet për gatishmërinë e tyre për sfidat në hapësirën kibernetike.

Ministria e Ekonomisë dhe Industrisë e Izraelit dhe Drejtoria Kombëtare e Kibernitikës së Izraelit do të kontribuojnë me 1 milion dollarë në Partneritetin për Zhvillim Dixhital për rezultate të ndryshme të shkëmbimit të njohurive, rritjes së ndërgjegjësimit dhe ndërtimit të kapaciteteve, për marrëveshjen.

Izraeli do të jetë pjesë e përpjekjeve të tjera të fondit për të zhvilluar teknologjitë digjitale dhe hapësirën kibernetike në vendet në zhvillim. Ajo do të ndajë njohuritë dhe përvojën e saj në rritjen e gatishmërisë dhe elasticitetit të sektorëve kritikë për ngjarjet kibernetike dhe do t’i bëjë akademikët dhe sipërmarrësit e saj të disponueshëm për nevojat e zhvillimit.

“Me rritjen e zhvillimit dhe të përdorimit të mjeteve dixhitale në vendet në zhvillim, mbrojtja kibernetike është një komponent qendror dhe thelbësor në ndërtimin e besimit të publikut në këto mjete dhe në stabilitetin ekonomik të vendeve që mbështeten në to”, tha Komisioneri Tregtar i Izraelit, Ohad Cohen.

“Grupi i Bankës Botërore dhe DDP si krahun e tij pro-aktiv në arenën digitale, është një kanal i rëndësishëm për të zgjeruar mbrojtjen kibernetike globale dhe për të zgjeruar ekspertizën izraelite në vendet e reja që kanë nevojë për të. Qëllimi i fundit i këtij bashkëpunimi është mbrojtja kibernetike në çdo iniciativë zhvillimi që përdor hapësirën digjitale si një platformë për të mbyllur hendekun e zhvillimit në botë”.