Konsulli i Nderit të Izraelit në Shqipëri, Rodolf Xhillari, përmes një mesazhi në rrjetet sociale, shkruan në ë Ditën Ndërkombëtare të Përkujtimit të viktimave hebreje të Holokaustit, se “Shqipëria është shembull kundër urrejtjes, duke shpëtuar jetën hebrenjve gjatë luftës së dytë botërore dhe duke ju qëndruar besnik e mbrojtur ndaj nazistëve”.

Mesazhi i plotë

Sot në Ditën Ndërkombëtare të Përkujtimit të viktimave hebreje të Holokaustit, përkujtojmë me dhimbje gjashtë milionë hebrenjë që u vranë mizorisht nga nazistët me qëllim shfarosjen e tyre.

Genocidi më i rëndë i historisë së njerëzimit, ku ekstremizmi, racizmi i morën jetën miliona njerëzve të pafajshëm…E megjithatë solidariteti, paqja e lufta për të mirën, triumfojnë në kohë, histori e dinjitet!

Shqipëria është shembull kundër urrejtjes, duke shpëtuar jetën hebrenjëve gjatë luftës së dytë botërore dhe duke ju qëndruar besnik e mbrojtur ndaj nazistëve.