Shqipëria po merr pjesë në MUNI-EXPO 2020 në Izrael me një ekip nga qyteti i Korçës i kryesuar nga Z. Sotiraq Filo, Kryetar i Bashkisë së Korçës dhe deputeti Niko Peleshi, ish-Kryetar i Bashkisë dhe prefekt i Korçës, si dhe përfaqësues i Shoqatës së Autoriteteve Lokale të CoE (Local Authorities Association of CoE)

Sipas Ambasadës Shqiptare në Izrael, ngjarja vjetore e Qendrës së Pushtetit Lokal (Local Government Center) është mbledhja më e madhe e pushtetit vendor në Izrael. Përafërsisht 8,000 drejtues ekzekutiv marrin pjesë në këtë ngjarje nga 257 bashki dhe 400 kompani lokale dhe korporata.

“Bashkia Korçë ka dëshmuar të jetë shumë aktive në përqafimin e strategjive inovative, se si ta shndërroni qytetin në një qytet të zgjuar dhe tërheqës për të huajt, prandaj kjo ngjarje mund të shërbejë si një qendër prodhuese për inovacionin, sipërmarrjen e biznesit dhe gërshetimin e marrëdhënieve të biznesit.

Vetëm një herë në vit të gjithë mund të takohen së bashku, i gjithë niveli i lartë bashkiak i Izraelit, për një përvojë të jashtëzakonshme të takimit, studimit, shkëmbimit të mendimeve dhe ideve dhe ekspozimit ndaj furnitorëve dhe bizneseve që operojnë në këtë sektor”, shkruan ambasada shqiptare në Izrael në një njoftim të saj në rrjetet sociale.

Ekipi shqiptar, përveç pjesëmarrjes në MUNI-EXPO, u takua me themeluesin dhe kryetarin ekzekutiv të Jerusalem Venture Partners (JVP) Dr. Erel Margalit, dhe me kryebashkiakun e Ohrit, Konstantin Georgieski, duke prekur bazat në temat me interes të ndërsjellë.

Ata u takuan me Think Tank Think Creative, vizituan Qendrën Peres për Paqen (Peres Center for Peace), Qendra e Sipërmarrësisë në Universitetin Hebraik etj.

Në takime ishte i pranishëm edhe ambasadori i Shqipërisë në Izrael, Dr. Bardhyl Canaj.