Nga Ronald S. Lauder
President i Kongresit Botëror Hebre

Më në fund ka disa lajme të mira në kët vit të krizës të koronavirusit. Marrëveshja midis Emiratet e Bashkuara Arabe dhe Izraelit, iniciative e nisur nga Shtëpia e Bardhë, është më shumë sesa thjesht një marrëveshje për normalizimin e marrëdhënieve midis Izraelit dhe një vendi Arab.

Unë besoj se është fillimi i paqes në tërë rajonin. është një katalizator për më shumë vende në Lindjen e Mesme që në të vërtetë të parashikojnë një të ardhme më të mirë për fëmijët e tyre, dhe konfirmon për të gjithë botën se ka ende gra dhe burra të drejtë që kanë punuar pa u lodhur për këtë moment.

Gjithashtu na tregon se ka ende liderë që kanë guximin të bëjnë hapa të vështirë dhe të guximshëm në emër të paqes. Unë po flas konkretisht për Princin e Kurorës së Abu Dhabi Mohamed bin Zayed Al-Nahyan, Kryeministrin e Izraelit Benjamin Netanyahu dhe Presidentin e SHBA Donald Trump, tre liderë që i respektoj jashtëzakonisht shumë.

Ndërsa ky njoftim erdhi si një surprizë e madhe për shumë njerëz, unë e di se nuk ndodhi rastësisht. Shumë njerëz kanë punuar me orë të gjata për ta bërë këtë. Më lejoni të shpjegoj pse besoj se ky moment është kaq i rëndësishëm. Marrëveshja do të hap mundësi të reja për bashkëpunim në shumë nivele.

Përfitimi më i dukshëm është siguria më e madhe për rajonin. Ndoshta jo menjëherë të dukshme, por po aq të rëndësishme, janë komunikimet e përbashkëta që do të vijnë në fushat e biznesit, shkencës, arsimit dhe arteve. Këto do të çojnë në shkëmbimin e njohurive dhe ideve, dhe do të ketë një mundësi për të mësuar nga njëri-tjetri për traditat dhe historinë tonë, të gjitha këto do të çojnë në ndërtimin e një të ardhme më të mirë së bashku.

Gjatë vizitave të mia në universitete, vendet kulturore dhe arritjet në Emiratet e Bashkuara Arabe, Bahrein dhe kombet e tjera, kam parë një popull mjaft të hapur dhe të etur për t’u angazhuar me botën. Bisedat që bëra me ta më lejuan të mësoja më shumë rreth dëshirave, shpresave dhe ëndrrave të tyre.

Më bëri shumë përshtypje hapja e këtyre njerëzve, si dhe toleranca e tyre ndaj feve të tjera. Marrëveshja quhet: Marrëveshja e Abrahamit për shkak të lidhjes së qartë që të dy fetë ndajnë me Profetin Abraham. Në një kujtesë të mrekullueshme të kësaj, marrëveshja quhet Marrëveshja e Abrahamit, për shkak të lidhjes së qartë që dy fetë ndajnë me Profetin Abraham. ,Hebrejtë dhe Myslimanët,do të mblidhen dhe do të jetojnë në paqe. Por, Marrëveshja Abraham do të shpresojë, që vendet e tjera të rajonit të ndjekin shembullin e Emiratet e Bashkuara Arabe dhe të normalizojnë marrëdhëniet me shtetin hebre.

Gjithmonë duhet të kujtojmë se gjurmët e Abrahamit janë në Mekë, jo shumë larg Qabes. Pas Egjiptit dhe Jordanisë, ne tani kemi një komb të tretë arab që bashkohet me aleancën e madhe të paqes. Unë isha në lëndinë në Shtëpinë e Bardhë kur u nënshkrua Marrëveshja e Paqes në Camp David dhe në mënyrë të veçantë kujtoj se mendoja – duke besuar – që më shumë vende do të pasonin. Mund të ketë marrë më shumë kohë sesa do të kishin dëshiruar disa njerëz, por ne tani e shohim se po ndodh dhe për këtë jam shumë mirënjohës.

Të gjithë duhet të bëjmë pauzë për disa momente dhe të kujtojmë veten se ata që ende bëjnë presion për urrejtje ndaj të tjerëve në emër të besimeve tona, nuk do të mbahen mend kurrë si burra të mëdhenj.

Por ata që kanë ndihmuar njerëzit të bëhen bashkë si – Anwar Sadat dhe Menahem Begin, Mbreti Husein, Yitzhak Rabin dhe Shimon Peres – me të vërtetë ecin në hapat e të drejtëve. Kjo marrëveshje do t’u japë njerëzve mundësinë të kujtojnë trashëgiminë tonë të përbashkët.

Së bashku, pasardhësit e Abrahamit mund t’i bëjnë jo vetëm vendet e tyre por tërë botën një vend më të mirë. Unë shpresoj se Avrahami nga Tel Avivi dhe Ibrahimi nga Abu Dabi një ditë do të jenë në gjendje të studiojnë së bashku në universitete në secilin prej vendeve të tyre. Mezi pres të ulem me të dy dhe të ndajmë një pjatë me ushqim tradicional ndërsa diskutojmë ëndrrat dhe shpresat e tyre të përbashkëta.

Unë do të doja të përfitoj nga ky rast për të dërguar mesazhin e mëposhtëm për të gjithë ndërtuesit e urave në këtë botë: Si kryetar i Kongresit Botëror Hebre, shpesh më pëlqen të kujtoj miqtë e mi hebrenj dhe muslimanë në Izrael, SHBA, Evropë dhe Lindjen e Mesme se jemi kushërinj. Mund të ketë disa prej nesh që duan ta harrojnë ose fshehin këtë fakt, por një fakt është fakt.

Paqja mes nesh është e mundur. Ne e shohim këtë përsëri sot. Miqësia mes nesh është e mundur. Vëllazëria mes nesh është e mundur. Por duhet guxim për të ndërmarrë atë hapin e parë, të vështirë. Falënderoj Zotin që ka njerëz në këtë botë, njerëz guximtarë, të cilët do të ndërmarrin atë hap për të gjithë ne. Pra, unë them mabrouk dhe mazel tov për udhëheqësit e Emiratet e Bashkuara Arabe, Izraelin dhe administratën Trump në SH.B.A. Mabrouk dhe mazel tov për të gjithë njerëzit që nuk heqën dorë kurrë nga shpresa dhe që ndërtojnë urat për një botë më të mirë për fëmijët tanë.