Parlamenti i Republikës së Shqipërisë, në partneritet me Lëvizjen Kundër Anti-Semitizmit (Combat Anti-Semitism Movement – CAM) do të organizojë për herë të parë “Forumin e Ballkanit 2020 Kundër Anti-Semitizmit” për të luftuar paragjykimet dhe fanatizmin.

“Qëllimi i konferencës do të jetë krijimi i një fronti të bashkuar midis vendeve Ballkanike, për të punuar së bashku në mënyrë që të zhdukim plagën e antisemitizmit nga ligjërimi ynë dhe të krijojmë shoqëri më të mira, më tolerante për brezat e ardhshëm“, shkruan Balkans Forum Against Antisemtisme në faqen zyrtare të forumit.

Seanca Plenare e Hapjes për Forumin do të përfshijë folës të nivelit të lartë nga rajoni – Shqipëria, Kosova dhe Maqedonia e Veriut, si dhe personalitete të shquara nga Shtetet e Bashkuara, Izraeli, Gjermania, Italia dhe Kombet e Bashkuara.

Flalime do të mbajnë midis të tjerëve, Kryeministri i Shqipërisë, Edi Rama; Kryetari i Kuvendit të Shqipërisë, Gramoz Ruçi, Kryetarja e Kuvendit të Kosovës, Vjosa Osmani, Kryetari i Kuvendit të Maqedonisë së Veriut, Talat Xhaferri, deputetët shqiptarë Taulant Balla dhe Blerina Gjylameti (Kryetare  e Grupit Parlamentar të Miqësisë Shqipëri-Izrael); ish-deputetja Valentina Leskaj, anëtare e Bordit Këshillues të Luftës kundër Antisemtizmit në Botë.

Gjithashtu, folës janë edhe Isaac Herzog, Kryetar i Agjencisë Hebraike për Izraelin; Elan Carr, i Dërguari Speciale i Shteteve të Bashkuara për Monitorimin e Luftës kundër Anti-Semitizmit; Omer Yankelevich, ministre e Çështjeve të Diasporës e Shtetit të Izraelit, Natan Sharansky, aktivist i njohur izraelit i Të Drejtave Humane, Robert Singer, CEO i Bordit të Besimit i World ORT; Lord John Mann, Këshilltar i Britanisë së Madhe për Antisemizmin.

Forumi do të zhvillohet, më 28 tetor 20202, nga ora 16:00-19.00.

AXHENDA

FORUMI I BALKANIT 2020 KUNDËR ANTISEMITIZMIT

RENDI I DITËS

E mërkurë, 28 tetor

16:00-17:30
Seanca Plenare e Hapjes së Forumit

17:45 – 18:15
-Paneli i Këshillit Këshillëdhënës të Lëvizjes Luftuar Anti-Semitizëm
-Liderët Globalë të Bashkuar me Ballkanin Kundër Anti-Semitizmit”

18:15 – 18:45
Paneli: Perspektiva mbi Zbatimin e Përkufizimit të IHRA dhe luftimin e antisemitizmit

18: 45-18:50
Deklaratë e Përbashkët e Forumit të Ballkanit 2020 Kundër Anti-Semitizmit (2020 Balkans Forum Against Anti-Semitism)

18:50-18:55
Konkluzionet Përmbyllëse

19:00
Mbyllja e Forumit

FOLËSA TË KONFIRMUAR