Nga Eliran Ben Yair, 
Petah Tiqwa, Hamerkaz, Israel

Kur tre vjet më parë vizitova Kosovën, gjëja e parë që më erdhi në mendje ishte: “Uau, ky vend më kujton aq shumë Izraelin!”

Diversiteti fetar, mënyra se si të gjithë atje e pranojnë njëri-tjetrin dhe sidomos kultura e pasur.

Më kujtohet që isha në një restorant me disa miq vendas dhe i pyeta “Pse Izraeli ende nuk e njeh Kosovën?”

Dhe ata filluan të më shpjegonin të gjitha politikat përreth.

Unë isha shumë i zemëruar dhe tre javë më vonë madje shkova në zyrën e kryetarit të bashkisë në qytetin tim në Izrael dhe u përpoqa ta bindja atë që të bënte një projekt të dy qyteteve me Prishtinën.

Por, ai nuk pranoi dhe tha se kjo mund të dëmtojë lidhjet me Serbinë dhe vendet e tjera.

Unë isha shumë i zemëruar, por e dija që një ditë do të vinte dhe Kosova dhe Izraeli do të bëheshin aleatë identikë.

Më 4 shtator, kam marrë më shumë se 40 mesazhe nga miqtë e mi nga Kosova që shkruanin: “Izraeli e njeh Kosovën!”.

Kënaqësia ishte në kulmin e saj. Dhe deri më tani jam jashtëzakonisht i lumtur për këtë.

Ende jo shumë izraelitë kanë qenë në Kosovë. Kështu që ata nuk i njohin ngjashmëritë e mëdha që ekzistojnë midis dy vendeve, por falë kësaj marrëveshje, të dy popujt më në fund do të jenë në gjendje të lidhen.

Izraeli dhe Kosova do të jenë në gjendje të tregtojnë me njëri-tjetrin.

Të bëjnë shkëmbime studentësh.

Në shkolla, studentët do të mësojnë për “BESA”-n, e cila shpëtoi 2000 hebrenj gjatë Holokaustit

Dhe kështu të dy popujt do të fitojnë për ta një aleat të ri dhe një lidhje midis dy popujve që do të forcohet me kalimin e viteve.

Së shpejti, kur Kosova të rritet duke valëvitur flamurin e saj dhe të Izraelit në Jeruzalem, të gjithë së bashku do të festojmë fillimin e kësaj marrëdhënie mahnitëse.

Bota po bëhet një vend më i mirë dita-ditës dhe marrëveshja midis Izraelit dhe Kosovës është një hap përpara në sytë e mi.