Kryeministri Benjamin Netanyahu bëri të ditur se, Izraeli nënshkroi një marrëveshje me Pfizer për të blerë miliona vaksina anti-koronavirus, disa ditë pasi firma farmaceutike amerikane tha se të dhënat sugjeronin se vaksina ishte 90 për qind efektive në parandalimin e COVID-19.
Njoftimi erdhi mes shenjave të reja shqetësuese se infeksionet në Izrael mund të rriten përsëri.
“Nëse trendi aktual vazhdon në dritën e lehtësimit [të kufizimeve] që janë zbatuar dhe atyre që janë në tryezë, një rritje e re e sëmundshmërisë pritet në ditët në vijim,” tha Qendra Kombëtare e Informacionit dhe Njohurisë së Koronavirusit në Raportin e saj ditor.
Si pjesë e marrëveshjes me Pfizer, Netanyahu tha se Izraeli do të merrte 8 milionë doza të vaksinës, të mjaftueshme për të testuar 4 milionë Izraelitë. Netanyahu shprehu shpresën se Pfizer do të fillojë të furnizojë vaksinën në janar, në pritje të autorizimit nga zyrtarët shëndetësorë në Shtetet e Bashkuara dhe Izrael.
