Nga AISI – Agjensia Investigative dhe e Sigurisë së Informacionit – IISA

Roli i shoqërisë civile në parandalimin e radikalizmit dhe ekstremizmit që çojnë në terrorizëm.

Urrejtja, ekstremizmi i dhunshëm dhe terrorizmi, sot janë një sfidë komplekse. Grupimet mbi bazën e urrejtjes, racizmit dhe ekstremizmit të dhunshëm nuk përcaktohen më brenda kufijve por gjenden sot të shpèrndara duke e bërë më të vështirë parandalimin dhe luftimin e tyre.

Aktualisht, ende nuk ka një dialog, angazhim ose bashkërendim dhe bashkëpunim me shoqerinë civile ose aktorë të tjerë jo qeveritarë që të synojnë të paktën në konceptimin, njohjen dhe zhvillimin e politikave me qëllim parandalimin sa më shumë të radikalizmit, urrejtjes.

Shoqëria civile përfaqëson një shumëllojshmëri rolesh dhe angazhimesh për mbrojtjen dhe promovimin e vlerave tona të përbashkëta.
Për shkak të ndikimit dhe aftësisë së tyre, rinia, gratë, përfaqësuesit e komuniteteve, janë aktorët kryesorë të shoqërisë civile, të cilët pozicionohen qartë në adresimin e problemeve ndaj ndikimit të grupeve ekstremiste.