Lideri i partisë së djathtë, Yamina, Naftali Bennett deklaroi sot se ai do të formojë një qeveri me udhëheqësin e Yesh Atid, Yair Lapid, dhe akuzoi Kryeministrin Benjamin Netanyahu se me drejtimin e tij e ka çuar Izraelin drejt vetëvrasjes.

Bennett ftoi palët të tregonin përmbajtje në arritjen e qëllimeve të tyre. Ai tha se shkuarja në zgjedhje shtesë (të pestat në radhë në dy vjet_ do të shkatërronte vendin dhe ai vendosi që në vend të kësaj “të ndalonte çmendurinë”.

“Opsionet e vetme janë qeveria e unitetit ose zgjedhjet,” tha ai. “Ata që thonë se një qeveri e krahut të djathtë është e mundur po gënjejnë.”

Netanyahu u përgjigj se, nëse Bennett do të kishte lejuar mandatin e Lapid për të formuar një qeveri të mbaronte të Mërkurën në mbrëmje, MK-të nga kampi i ndryshimit do të ishin bashkuar dhe mundësuar formimin e një qeverie të krahut të djathtë. Ai tha se Bennett po vepronte për interesin e tij personal, duke e ditur se nëse do të kishte zgjedhje të tjera, karriera e tij politike do të kishte mbaruar.

“Askush nuk do të kishte votuar për ty nëse do të dinte se çfarë do të bësh”, i tha Netanyahu Bennett.

Netanyahu tha se ajo që po formonte Bennett, nuk ishte një qeveri uniteti por një qeveri e dobët, që do të dëmtonte parandalimin e Izraelit. Ai e krahasoi atë me atë që po ndodh në politikë në Siri dhe Iran.

Më parë, udhëheqësit e Yamina Bennett dhe Ayelet Shaked folën në favor të formimit të një qeverie uniteti me Lapid në takimin e fraksionit të së Dielës në Yamina dhe morën mbështetjen nga MK në fraksion, tha një zëdhënës i partisë.