Nga JNS dhe IHL Staff

“Sfidat tona të sigurisë janë shumë të mëdha dhe në krye të listës është Irani,” tha Drejtori i agjensisë së inteligjencës Mossad, David Barnea, në ceremoninë e betimit të martën.

“Ne duhet ta themi me zë të lartë dhe të qartë: Irani po punon në këtë moment për të realizuar ëndrrën e tij bërthamore nën mbulesën e mbrojtjes ndërkombëtare,” vuri në dukje ai. “Nën mbrojtjen e marrëveshjes [bërthamore] të vitit 2015 dhe pa të, me gënjeshtra dhe fshehje, Irani është në një gjendje të vazhdueshme të avancimit të planit të tij për krijimin e armëve të shkatërrimit në masë.”

Duke iu referuar raundit të pestë të bisedimeve në Vjenë midis fuqive botërore dhe Iranit, për të negociuar një kthim në marrëveshjen e vitit 2015, Barnea tha se, marrëveshja në zhvillim vetëm rriti “ndjenjën e izolimit” të Izraelit, por që Izraeli rezervoi të drejtën e tij për lirinë e veprimit dhe nuk do të veprojnë sipas “rregullit të shumicës” pasi shumica nuk do të paguanin çmimin për gabimin e tyre.

Deklarimet e shefit të ri të Mosadit u bëjnë jehonë atyre të Kryeministrit Benjamin Netanyahu, i cili tha në ngjarje se nëse zgjedhja është midis fërkimit me Shtetet e Bashkuara ose ballafaqimit me kërcënimin ekzistencial iranian, Izraeli do të detyrohet të përplaset me “mikun tonë të madh”.

Barnea premtoi se “krahu i Mossad” do të vazhdonte të vepronte me forcë të plotë kundër programit bërthamor iranian.

“Ne jemi njohur mirë me programin bërthamor dhe pjesët e tij të ndryshme. Ne personalisht i njohim punëtorët e përfshirë në të dhe ata që i drejtojnë ato,” tha ai.

Barnea, 56 vjeç, shërbeu në njësinë e zbulimit elitar të IDF Sayeret Matkal. Nga viti 2019 e deri më tani, ai ka shërbyer si zv / drejtor i Mossad. Ai pason Yossi Cohen, i cili shërbeu si drejtor i Mossad për pesë vitet e gjysmë (2016-2021).

Ky artikull u botua për herë të parë nga i24NEWS.