Center for Jewish Impact (Qendra për Ndikimin Hebre) përshëndeti marrëveshjen e arritur midis Universitetit Bar-Ilan në Izrael dhe Universitetit të Tiranës në Shqipëri, për shkëmbimin e dijeve në botën akademike.

“Është kënaqësia jonë e veçantë të bëjmë këtë partneritet të rëndësishëm midis Izraelit dhe Shqipërisë dhe të promovojmë marrëdhëniet akademike midis institucioneve kryesore si Universiteti Bar-Ilan dhe Universiteti i Tiranës”, shkruan Center for Jewish Impact në postimin e saj në rrjeter sociale.

Center for Jewish Impact e drejtuar nga Robert Singer pati një kontribut të veçantë në arritjen e marrëveshje midis dy universiteteve.

Universiteti Bar-Ilan në Izrael dhe Universiteti i Tiranës në Shqipëri nënshkruan një protokoll bashkëpunimi akademik, për të bashkëpunuar ne fushën akademike, gjithashtu edhe në fusha të tjera me interes të përbashkët, përfshirë shkëmbimin e njohurive akademike, të stafit akademik me qëllim gjetjen e zgjidhjeve të problemeve shkencore me interes të përbashkët, publikime të ndryshme, që do të shërbejnë për edukimin, trajnimin dhe kërkimeve, etj,

Protokolli u firmos nga Rektori i Universitetit të Tiranës, Prof. Dr. Artan Hoxha dhe Prof. Moshe Lewenstein, zv.President i Universitetit Bar-Ilan.

MARRËVESHJA E PLOTË MIDIS DY UNIVERSITETEVE