Ministrja e Arsimit, Shkencës, Teknologjisë dhe Inocacionit, Arbërie Nagavci, priti ambasadoren e Izraelit në Kosovë, znj. Tamar Ziv.

“Kënaqësi të pres në takim ambasadoren e Izraelit në Kosovë, znj. Tamar Ziv, të cilës i urova suksese në detyrën e re, pasi që po hapim një kapitull të ri në avancimin e marrëdhënieve shtetërore ndërmjet Kosovës dhe Izraelit.
Vendosja e marrëdhënieve diplomatike dhe lidhjet historike mes shqiptarëve dhe hebrenjve na inkurajojnë që të forcojmë bashkëpunimin, posaqërisht në fushën e edukimit dhe të arsimit.
Qeveria e Kosovës e ka vënë në prioritetet e saj gjithëpërfshirjen dhe cilësinë në arsim dhe po punojmë për jetësimin e planeve tona. Por, partnerët zhvillimorë dhe bashkëpunimi me shtete të zhvilluara si Izraeli, janë të një rëndësie të veçantë.
Në këtë drejtim, me ambasadoren Ziv, ndamë mendimin e përbashkët për të thelluar bashkëpunimin në arsim dhe në këtë mënyrë të vazhdojmë t’i japim jetë edhe më shumë miqësisë së vjetër të popujve tanë”, shkruan Nagavci.