Me ftesë të z. Esawi Frej, Ministër për Bashkëpunim Rajonal i Shtetit të Izraelit, zyrtarë kosovarë morën pjesë në Forumin Rajonal të Ekspertëve në Fushat e Diabetit dhe Obezitetit.

Në këtë konferencë, Republika e Kosovës u përfaqësua nga z. Arsim Berisha, Zëvendësministër i Shëndetësisë, Dr. Faik Hoti nga Departamenti për Zhvillim Strategjik të Kujdesit Shëndetësor, Dr. Merita Emini-Sadiku, Drejtore në Klinikën e Endokrinologjisë, Dr. Albana Begaj, mjeke rezidente në Klinikën e Endokrinologjisë, dhe Dr. Linda Çarkaxhiu, Specialiste e Mjekësisë Familjare.

Konferenca shërbeu si një mundësi për të shfaqur mënyrat e reagimit të shteteve pjesëmarrëse në konferencë në parandalimin e obezitetit, diabetit dhe komplikimeve që ato shkaktojnë, si dhe metodat e ndryshme të trajtimit.

Konferenca, në të cilën morën pjesë rreth 100 ekspertë nga Mbretëria e Bahreinit, Republika Arabe e Egjiptit, Emiratet e Bashkuara Arabe, Republika Hashemite e Jordanisë, Republika Helene, Mbretëria e Marokut, Republika e Qipros dhe Republika e Kosovës, u organizua nga Ministria për Bashkëpunim Rajonal e Shtetit të Izraelit, Ministria e Shëndetësisë e Shtetit të Izraelit dhe Këshilli Kombëtar i Diabetit i Shtetit të Izraelit.

Në kuadër të vizitës zyrtare në Shtetin e Izraelit, zëvendësministri z. Arsim Berisha zhvilloi një vizitë në “United Hatzalah” – organizatë izraelite e shërbimeve urgjente me bazë vullnetare në të gjithë Izraelin, me selinë e saj në Jerusalem. Aty, z. Berisha u prit nga z. Dov Maisel, bashkëthemelues dhe drejtori i operacioneve i kësaj organizate.

Në cilësinë e së Ngarkuarës më Punë në Ambasadës e Republikës së Kosovës në Jerusalem, Ines Demiri mbajti një fjalë rasti.