Ambasadorja e Izraelit në Shqipëri, Galit Peleg, e konsideron kryeministrin e Shqipërisë, Edi Rama, “një mik të madh të Izraelit”, pas fjalimit të kreut të qeverisë shqiptare në seancën plenare të OKB-së.

Përmes një postimi në rrjetet sociale, kryediplomatja izraelite në Tiranë, shkruan se “Shqipëria është sërish një rreze shprese në errësirën e indiferencës që mbizotëron në atë godinë në Manhatan.

POSTIMI I AMBASADORES PELEG

“Një falenderim i madh dhe emocionues për Kryeministrin e Shqipërisë, Edi Rama, mikun e madh të Izraelit. Duke folur në seancën plenare të OKB-së ndërsa mbante stemën (e verdhë) e të rrëmbyerve, bën thirrje për lirimin e menjëhershëm të tyre, krahason Hamasin me nazistët dhe bën thirrje për largimin e tyre nga Gaza dhe fundin e terrorizmit.

Ashtu si gjatë Holokaustit, Shqipëria është sërish një rreze shprese në errësirën e indiferencës që mbizotëron në atë godinë në Manhatan.

Falemenderit shumë!”,

“Për ne shqiptarët toleranca nuk është thjeshtë pranimi pasiv e jo fort me qejf i divesitetetit të dikujt. Kjo formë tolerance, toleranca që shqiptarët myslimanë e të krishterë shprehën gjatë Luftës së Dytë Botërore kundrejt hebrenjve duke vënë jetët e tyre në rrezik kundrejt së keqes e duke e bërë Shqipërinë të vetmin vend në Europë që e mbylli luftën me më shumë hebrenj seç kishte kur lufta nisi, kërkon frymën e vet partizane, kërkon të angazhohesh me atë që është ndryshe prej teje, të paqtosh mosmarrëveshjet me respekt e të vazhdosh të ndërtosh ura, në mënyrë që të mund të vazhdojmë të debatojmë e të nxisim mirëkuptim e paqe të mëtejshme, duke e vënë veten në vendin e tjetrit.

Shqipëria mbështet përpjekjet e bashkësisë ndërkombëtare lidhur me këtë konflikt përmes dialogut e bisedimeve që çojnë në një zgjidhje të vërtetë, të pavarur, shteti që jetojnë në paqe e në fqinjësi të mirë; një shtet funksional i Palestinës dhe një shtet sikur Izraeli, që në vend që t’i bëjnë leksione nga lart, duhet mbështetur , jo duke thënë, “po por…” në luftën kundër terrorizmit ndërkohë që ka qindra të pafajshëm që ende mbahen në vende ferri , në faqen e tokës nga ’kasapët’ e 7 tetorit të vitit të kaluar”, tha kryeministri Rama gjatë fjalimit të tij.

Edhe ambasadori i Izraelit në Bullgari, Yosi Levi Sfari, e vlerësoi fjalimin e Kryeministrit Rama, përmes postimit të tij në rrjetet sociale.

“Kryeministri i Shqipërisë, një vend ballkanik me më shumë se 50% popullsi myslimane, në Kombet e Bashkuara mban stemën e verdhë që simbolizon kërkesën për lirimin e të rrëmbyerve tanë.
Dy vjet më parë, ai ndërpreu marrëdhëniet me Iranin gjatë vizitës së tij në Kombet e Bashkuara.
Proverbi spanjoll thotë “No se puede quedar bien con Dios y con el Diablo” (është e pamundur të jesh në marrëdhënie të mira me Zotin dhe djallin në të njëjtën kohë). Shqipëria dëshiron të anëtarësohet në Bashkimin Evropian 🇪🇺. Marrëdhëniet me Iranin, të miratuara nga Bashkimi Evropian, nuk mund të jenë pjesë e këtij plani. Është koha që guximtarët të ndalojnë regjimin iranian që të vazhdojë të shkaktojë kaos dhe trazira në Lindjen e Mesme dhe Evropë”, shkruan ai.