Kryeministri i Bullgarisë, Bojko Borisov u takua me homologun e tij izraelit Benjamin Netanjahu në rezidencën Evksinograd në Varna. Të dy kanë diskutuar zhvillimin e projekteve të transportit dhe bashkëpunimin midis dy vendeve.

“Unë jam i nderuar që kryeministri bullgar Bojko Borisov filloi këtë samit të rëndësishëm – midis Bullgarisë, Rumanisë, Greqisë dhe Serbisë. Dhe mendoj se bashkëpunimi që Bullgaria ka me vendet e Ballkanit Perëndimor do të ndihmojë të gjitha vendet në rajon. Kjo do të të ndihmojë ju dhe ne në aspektin e shëndetit, sigurisë kibernetike, teknologjisë së informacionit dhe të gjitha fushat që mund të krijojnë vende pune dhe të çojnë në prosperitet “, tha Netanyahu.

Kryeministri izraelit tha gjithashtu se nesër, kur takohet me kryeministrat e Greqisë, Serbisë dhe Rumanisë, ai do të përpiqet të ndryshojë “sjelljen hipokrite dhe armiqësore të BE-së ndaj Izraelit”. Vizita e Netanjahut është një ditë para takimit katërpartiak midis Bullgarisë, Greqisë, Rumanisë dhe Serbisë.