Me 89.8 për qind të votave të numëruara nga Komiteti Qendror i Zgjedhjeve, partia e qendrës “Blu dhe Bardhë” e Benny Gantz parashikohet të fitojë 32 vende në Knesset, duke qenë përpara partisë “Likud” të Kryeministrit Benjamin Netanyahu, që deri tani ka 31 vende më parlamentin izraelit, Knesset.

Deri tani, blloku i Qendrës së Majtë-Arab të drejtuar nga Gantz ka një avantazh të vogël ndaj bllokut të Djathtë-Fetar të udhëhequr nga Netanyahu me 56 vende kundrejt 55. Në mes janë nëntë vendet e Yisrael Beytenu, udhëheqësi i të cilit, Avigdor Liberman, është zotuar të detyrojë Likud dhe Blu dhe Bardhë në krijimin e një qeverie uniteti.

“Lista Përbashkët”, një aleancë e partive kryesisht arabe, qëndron në vendin e tretë me 13 vende, e ndjekur nga partitë “Shas” e ultra-ortodoksëve dhe Yisrael Beytenu (e Liberman), të dyja me nëntë vende.