Kryeministri izraelit Benjamin Netanyahu u vaksinua për Covid-19 në një transmetim të drejtpërdrejtë.

“Një injeksion i vogël për një njeri dhe një hap gjigand për shëndetin e të gjithëve”, – tha Netanyahu, 71 vjeç, nga Qendra Mjekësore Sheba në Ramat Gan, duke parafrazuar fjalët e famshme të astronautit Neil Armstrong pas uljes në Hënë.

“Unë besoj në këtë vaksinë. Ne mund të dalim nga pandemia së bashku. Është një ditë e rëndësishme për Izraelin. Të gjithë duhet të vaksinohen dhe ky që dhashë unë është një shembull personal,” tha Netanyahu.

Kryeministri izraelit u vaksinua së bashku me Ministrin e Shëndetësisë Yuli Edlstein. 71-vjeçarit iu injektua vaksina e zhvilluar nga kompanitë BioNTech / Pfizer.

Udhëheqësi izraelit u përshkrua nga media lokale si “kreu i parë i qeverisë në botë” që u vaksinua. Në ditët e ardhshme, vendi do të nisë fushatën e vaksinimit masiv.

Netanyahu u zotua se miliona doza të vaksinës së Pfizer-BioNTech do të mbërrijnë deri në fund të muajit dhe u bëri thirrje të gjithë izraelitëve që të vaksinohen.

“Kam kërkuar që të vaksinohem së pari, së bashku me Ministrin e Shëndetësisë Yuli Edelstein, për të shërbyer si një shembull personal dhe t’ju inkurajoj të vaksinoheni,” tha ai. “Shko bëhu i vaksinuar.”