Kryeministri Yair Lapid telefonoi sot në mbrëmje kryetarin e partisë Likud, Benjamin Netanyahu – i cili pritet të hyjë në zyrën e kryeministrit për herë të gjashtë.

Biseda është e para mes të dyve që nga zgjedhjet – në të cilën u mor një vendim i qartë në favor të bllokut të kryesuar nga Netanyahu, i cili ka 64 mandate pas numërimit të 99% të votave.

Zyra e Lapid deklaroi se “Kryeministri Lapid e uroi Netanyahun për fitoren e tij në zgjedhje dhe informoi kryetarin e opozitës, i cili udhëzoi të gjitha degët e zyrës së tij që të përgatisin një transferim të rregullt të pushtetit”.

Vetë Lapid tha se “Shteti i Izraelit është mbi të gjitha konsideratat politike. Unë i uroj Netanyahut sukses për hir të popullit të Izraelit dhe shtetit të Izraelit”.

Menjëherë pas bisedës mes të dyve, ambasadori amerikan në Izrael, Tom Neides, shkroi në Twitter se kishte folur me Netanyahun dhe e uroi për fitoren e tij në zgjedhje.

“Kam pasur një bisedë të mirë me Benjamin Netanyahun. E urova me rastin e fitores së tij në zgjedhje dhe i thashë se mezi pres të punoj me të për të ruajtur lidhjen e pathyeshme mes Shteteve të Bashkuara dhe Izraelit”.