Gjatë një aktivitetit për të nderuar njerëzit e shërbimit të spiunazhit, “top spy” Yossi Cohen, tha se agjentët izraelitë kanë kryer “mijëra operacione”, disa tepër të thella në vendet armike, shkruan Timesofisrael.com.

Kreu i shërbimit inteligjent izraelit, Mosad, paralajmëroi se Irani, përmes aleatëve të tij, është duke operuar “më afër se kurë” në kufijtë e Izraelit me Libanin dhe Sirinë, edhe pse gjithashtu Izraeli është tepër aktiv në teritorin kundërshtar.

Kryespiuni i Izraelit, Yossi Cohen, shtoi se duke armatosur grupet terroriste Hezbollah dhe Hamas, Republika Islamike e Iranit ishte duke zhvilluar kapacitetet e bërthamore të saj me qëllimin për t’ua dhënë atyre.

Cohen i bërë të ditura këto gjatë një ceremonie ku bënin pjesë gjashtë ekipe nga shërbimet e spiunazhit, të cilët morën një vlerësim special nga Kryeministri i Izraelit, Benjamin Netanyahu. Nisur dhe nga ndjeshmëria e operacioneve, detajet aktivitetit të ekipeve u mbajtën sekret.

Sipas shefit të Mossad, shërbimi inteligjent “kryen qindra dhe mijëra aktivitete çdo vit – disa prej tyre të komplikuara dhe të thella brenda zemrës së vendeve armike”.