Izraeli për herë të parë në botë do të dërgojë një grup të nanosatelitëve në hapësirë.

Technion i Haifa dhe Israel Space Agency bënë të ditur se në vitin 2018, Izraeli do të dërgojë në hapësirë tre satelitë xhuxh.

Përmasat e satelitëve janë 10x20x30 cm, thuajse përmasat e një kutie këpucës, dhe secili peshon 8 kg.

Objektivi i projektit është të dëshmojë se një grup satelitësh mund të fluturojë si një formacion i kontrolluar për një vit në orbitë dhe me një lartësi rreth 600 kilometra.

“Teknologjia izraelit është duke hapur rrugë të reja dhe duke dëshmuar kapacitetin e saj inovativ”, tha Ofir Akunis, Ministri izraelit i Shkencës dhe Teknologjisë.

Satelitët do të përdoren për të marrë sinjale nga Toka, dhe për të kalkuluar pozicionet e burimit të transmetimit për operacionet e kërkimit, ndihmës dhe monitorimit të ambientit.

Secili nga nanosatelitët do të ketë një marrës sinjali dixhital, një nga marrësit më kompleks të projektuar ndonjëherë për një nanosatelit.

Sistemi i përpunimit të informacionit satelitor dhe algoritmi që do të kontrollojë formacionin e nanosatelitëve do të jetë i pari i këtij lloji në botë, shkruan Siliconwadi.it.

Hedhja e nanosatelitëve në hapësirë do të kryhet nga ndërmarrja holandeze e specializuar në këtë fushë, Innovative Solutions In Space.

.