Industritë e mbrojtjes të Izraelit janë një motor i madh teknologjik, duke siguruar sektorin lokal të teknologjisë me kapitalin më të mirë njerëzor, thotë për gazetën ekonomike izraelite “Calcalist”, Harel Locker, kryetar i Israel Aerospace Industries Ltd. (IAI), apo Industrisë Ajore të Izraelit.

“Pa industrinë e mbrojtjes, Izraeli do të humbë avantazhin konkurrues ekonomik”, tha Locker duke folur konferencën e mbi industrinë izraelite, të mbajtur në Tel Aviv dhe të organizuar nga Calacalist në partneritet me Bankën Leumi dhe Grupin Bazan.

Ndiq "Izraeli Sot" në Facebook dhe Twitter dhe Instagram dhe behu anetar i Grupit Izraeli dhe Shqiptaret

IAI, në pronësi të qeverisë është kompania më e madhe e hapësirës ajrore dhe mbrojtëse të Izraelit, duke zhvilluar dhe prodhuar sisteme të mbrojtjes duke përfshirë mbrojtjen ajrore, sistemet anti-raketore, sistemet ajrore pa pilot, inteligjencën dhe sistemet kibernetike, ndërprerjet e droni, robotikë tokësore dhe sistemet detare.

IAI shpenzon 829 milionë dollarë ( 3 miliardë shekel) në vit për kërkimin dhe zhvillimin, sipas z. Locker, dhe ka regjistruar më shumë patenta gjatë vitit të kaluar sesa çdo kompani tjetër izraelite. “Ne jemi kompania më e madhe e teknologjisë së Izraelit, me një qarkullim prej 3.8 miliardë dollarësh ( 14 miliardë shekel) dhe 2.7 miliardë dollarësh ( 10 miliardë shekel) në eksportet vjetore”, tha ai.

Z. Locker tha se kufiri i ardhshëm për kompanitë e mbrojtjes të Izraelit është tregu civil. “Në IAI, ne po drejtojmë mendimet tona për konvertimin e teknologjive tona për përdorime civile,” tha z. Locker. “Unë jam i bindur se ne mund të krijojmë një mori zgjidhjesh të reja nga teknologjitë tona ekzistuese,” tha ai, duke shtuar se fusha e robotikës është një shembull për mënyrën se si teknologjia ushtarake, siç janë dronët, është miratuar nga civilët.

Z. Locker shtoi se teknologjitë e sigurisë kibernetike të përdorura nga IAI në të gjitha teknologjitë e tij të mbrojtjes mund të jenë të zbatueshme për përdorime jo-ushtarake. “Linja ndërmjet teknologjisë së mbrojtjes dhe teknologjisë civile tashmë thuajse nuk dallohet,” tha z. Locker.